Yuxarı

Ər-Riyadın Qarabağa görə İrəvana vetosu aradan qalxdı?

Ana səhifə Siyasət
12 Punto 14 Punto 16 Punto 18 Punto

Ermənistan Prezidenti Armen Sərkisyanın Səudiyyə Ərəbistanına səfəri maraq doğurur. Çünki Səudiyyə Ərəbistanı ilə Ermənistan arasında diplomatik münasibətlər yoxdur. Ər-Riyad Azərbaycan torpaqlarının işğalına görə Türkiyə və Pakistan kimi Ermənistanla diplomatik münasibətlər qurmaqdan imtina edən nadir dövlətlərdəndir. Rəsmi Bakı hər zaman buna görə Ər-Riyada minnətdar olub. Bəs nə oldu ki, Səudiyyə Ərəbistanının hakim ailəsi Ermənistan prezidentini Ər-Riyada dəvət etmək qərarına gəldi?

Axar.az xəbər verir ki, bu sözləri politoloq Elxan Şahinoğlu qeyd edib.

O, şahzadə Məhəmməd ibn Salman vəliəhd olduqdan sonra da Səudiyyə Ərəbistanı ilə Azərbaycan arasındakı münasibətlərdə heç bir problem olmadığını qeyd edib:

“Ancaq Məhəmməd ibn Salmannın Türkiyə ilə münasibətlərində problemləri var. Mümkündür ki, Salman Türkiyə kimi, Türkiyənin strateji müttəfiqi olan Azərbaycana da eyni gözlə baxır.

Erməni saytları Armen Sərkisyanın Səudiyyə Ərəbistanına ilk rəsmi səfərini iki ölkə arasındakı münasibətlərdə dönüş kimi qiymətləndirirlər. Armen Sərkisyanı Ər-Riyadın hava limanında xarici işlər naziri Adel Cübeyr qarşılayıb. Bugünə qədər Ermənistanın heç bir rəsmisi Ər-Riyada səfər etməmişdi. Ermənistan müstəqilliyini qazandıqdan bu yana Səudiyyə Ərəbistanı ilı sıx münasibətlər qurmağa çalışıb, ancaq hər dəfəsində Ər-Riyaddan rədd cavabı alıb”.

Politoloqun fikrincə, mümkündür ki, Səudiyyə Ərəbistanı hakimiyyəti Azərbaycanın işğal faktına son qoyduqdan sonra Ər-Riyadın İrəvanla münasibətlər qurmasına heç bir əngəl qalmadığını düşünür:

“Ancaq hələ sülh müqaviləsi imzalanmayıbsa, Ər-Riyad daha fərqli hərəkət edə bilərdi. Məsələn, Türkiyə və Pakistan hələlik heç bir addım atmayıb”.

Tarix
2021.10.27 / 23:27
Müəllif
Axar.az
Şərhlər
Digər xəbərlər

Bakı-Tiflis əməkdaşlığı yeni sahələri əhatə edəcək

İrəvandan anklavlarla bağlı açıqlama: Sərhəd boyu...

Güneylilər Cenevrədə aksiya keçirdi

Cənubi Qafqazda “bir dövlət” silinə bilər - Tarasov

Qərb İrəvanda buna imkan verməyəcək – Ekspert

Nikol Tavuşda izah etdi: Bakı 4 kəndi istəyir, biz isə...

Stoltenberqin Bakı səfərinə Rusiyadan baxış

Bakı və İrəvan üçün sülh çox vacibdir - Video

Azərbaycan çox əhəmiyyətli ölkədir - Stoltenberq

Bu gün İlaxır çərşənbə qeyd olunur

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla