Ana səhifə Siyasət |
Regionda kommunikasiyaların mümkün (? – red.) açılması Ermənistan və Azərbaycan arasında sərhədin delimitasiyası və demarkasiyası ilə bağlı deyil.
Axar.az xəbər verir ki, bu sözləri TASS-a açıqlamasında Ermənistanın Baş nazir müavini Mger Qriqoryan deyib.
“Biz liderlərin Soçi görüşünə uyğun olaraq, sərhəddə stabillik və təhlükəsizliyin səviyyəsinin artırılması ilə bağlı addımlar çərçivəsində Rusiyanın konsultativ iştirakı ilə Azərbaycan və Ermənistan arasında dövlət sərhədinin delimitasiyası üzrə ikitərəfli komissiyanın yaradılması istiqamətində iş aparmağa razılaşdıq. Ancaq bu məsələ heç bir halda regionda kommunikasiyaların mümkün açılması ilə əlaqəli deyil”, - Qriqoryan bildirib.
M.Qriqoryan əlavə edib ki, Ermənistan, Rusiya və Azərbaycan Baş nazirlərinin müavinlərinin nəqliyyat kommunikasiyalarının açılması üzrə üçtərəfli işçi qrupu çərçivəsində ekspert alt qrupu yaradılıb və o, kommunikasiyaların açılması halında yüklərin daşınması məsələlərinin həlli ilə məşğuldur:
“Bu məsələlərin yekun müzakirəsi hələ keçirilməyib”.
Tarix
2021.12.07 / 22:43
|
Müəllif
Axar.az
|