Axar.az
Yuxarı

Axar.Az Logo

Prezident və xanımı Şuşada...

Ana səhifə Siyasət
12 Punto 14 Punto 16 Punto 18 Punto

14:02

Sentyabrın 27-də Azərbaycan Respublikasının Prezidenti İlham Əliyev və birinci xanım Mehriban Əliyeva Şuşa şəhərində Yuxarı Gövhər Ağa məscidini ziyarət edib, burada Heydər Əliyev Fondu tərəfindən aparılan yenidənqurma və bərpa işləri ilə tanış olublar.

Axar.az xəbər verir ki, Prezidentin köməkçisi Anar Ələkbərov dövlət başçısına və birinci xanıma görülən işlər barədə məlumat verib.

Bildirilib ki, tarixi Yuxarı Gövhər Ağa məscidində bərpa işləri 2021-ci ilin noyabr ayından başlayıb.

Şuşa şəhəri işğal altında olduğu müddətdə ermənilər tərəfindən dağıdılmış Yuxarı Gövhər Ağa məscidində konservasiya və bərpa işləri ilkin memarlıq üslubuna uyğun olaraq Azərbaycan, İtaliya və Türkiyə şirkətlərinin konsorsiumu tərəfindən və “Paşa Holdinq”in maliyyə dəstəyi ilə həyata keçirilir. Bərpa prosesi Avstriyanın “Wehdorn Architekten” şirkətinin nəzarəti ilə aparılır.

Məscidin daxilindən götürülən məhlul, suvaq, təbii daş, kərpic, ağac və boya nümunələri təhlil və düzgün konservasiya üsullarını əldə etmək məqsədilə Türkiyədəki Fatih Sultan Mehmet Vəqfi Universitetinin nəzdindəki Ahmet Refik Ersen Restavrasiya və Konservasiya laboratoriyasına aparılır.

Bu günədək məsciddə möhkəmləndirmə işləri görülüb. Ermənistanın işğalı dövründə məscidə edilmiş müdaxilələr aradan qaldırılıb. Fasadlarda və binanın daxilində suvaq işləri başa çatdırılıb. Minarələrin boya işlərinə başlanılıb.

Hazırda Şuşa şəhərindən Bakıya gətirilmiş sal qaya parçalarından emalatxanada pəncərə haşiyələrinin daş kəsimi və fiqur hazırlanması işləri davam etdirilir.

Bərpa işlərinin 2023-cü ilin sonunadək yekunlaşdırılması nəzərdə tutulur.

Tarix
2022.09.27 / 16:43
Müəllif
Axar.az
Şərhlər
Digər xəbərlər

Prezident yeni alınmış xüsusi texnikalarla tanış oldu - Foto

İrəvanla Bakı sülh sazişinin yalnız bu bəndinə razılaşıb

Sülhməramlıların ailələri Qarabağa köçürülərsə…

Böyük Qayıdış üçün bu qədər vəsait yönəldiləcək – Baş nazir

Nikoldan Putinə qarşı şok gediş: İndi də ABŞ-ı “gətirir”

Ceyhun Bayramov Karen Donfridlə danışdı

Edi Ramanın Azərbaycana səfəri başa çatdı

Sahibə Qafarova Türkmənistan Prezidenti ilə görüşdü

Əliyev Edi Rama ilə təkbətək və geniş tərkibdə görüşdü

Ermənistan 4-cü bəndin icrasından rəsmən imtina etdi

KULT
<>
Xəbər xətti
Axar.az'da reklam Bağla
Reklam
Bize yazin Bağla