İran Cənubi Qafqazda təhlükəsizliyi gücləndirmək üçün bütün imkanlardan istifadə edir.

Axar.az xəbər verir ki, bu sözləri İran XİN-in sözçüsü İsmayıl Bəqai Ali Təhlükəsizlik Şurasının katibi Əli Əkbər Əhmədianın Bakı və İrəvana son səfərini şərh edərkən deyib.

Bəqai qeyd edib ki, Əhmədianın qonşu ölkələrə səfəri əvvəlcədən planlaşdırılıb və bu səfər Cənubi Qafqazın İran üçün əhəmiyyəti kontekstində nəzərdən keçirilməlidir.

O bildirib ki, region ölkələri üçüncü qüvvələrin müdaxiləsi olmadan təhlükəsizliyi təmin etməlidir; İran, Rusiya, Ermənistan, Türkiyə, Azərbaycan və Gürcüstanın iştirakı ilə “3+3”ə oxşar formatlar bu problemi böyük ölçüdə həll edə bilər.