Avropa özünü itirib, bilmir nə etsin, 80 illik konfort zonadan, ABŞ-ın “çətiri” altından çıxmağa gücü-təpəri yoxdur.

Axar.az xəbər verir ki, bu sözləri ReAL sədri Natiq Cəfərli qeyd edib.

O, Avropa Birliyinin sabiq baş diplomatı Jozep Borrellin sözlərini xatırladıb:

“Yəqin ki, Jozep Borrelli xatırlayırsınız – cəmi 2 il öncə demişdi ki, Avropa cənnət bağçasıdır, ətraf isə cəngəlliklərdir. Əslində, yarıya qədər düz deyib – bağçadır, amma “uşaq bağçası”, okeanın o tayından olan “tərbiyəçi” üzlərinə qapını çırpıb gedir, “bağça uçaqları” isə indi 2 gündən bir toplanır, bir qərara gələ bilmirlər, olan isə Ukraynaya, 3 il “Ayı”ya dözən, müqavimət göstərən xalqa olur. Halbuki bu müharibə Avropa üçün ölüm-qalım müharibəsi olmalı idi, ABŞ-ı ordusu və Atlantik okean zatən qoruyur...”