Xəzər Dəniz Gəmiçiliyi (XDG) Qapalı Səhmdar Cəmiyyəti Türkiyədə iki yeni şirkət təsis edib.

Axar.az xəbər verir ki, bu barədə XDG məlumat yayıb.

Yeni yaradılan şirkətlər “Caspdry” və “Casptankers” adlanır. “Caspdry” quru, “Casptankers” isə maye yüklər daşıyan gəmilərin istismarını həyata keçirəcək.

Şirkətlərin Xəzərdənkənar hövzələrdə Azərbaycan bayrağı altında üzən gəmilərin daha səmərəli istismarına nail olmaq məqsədilə yaradıldığı bildirilir.

Amerika Gəmiçilik Bürosu ( ABS) “Caspdry” şirkətinə artıq İSM-in tələblərinə cavab verdiyini təsdiqləyən uyğunluq sertifikatı verib. Yaxın vaxtlarda “Casptankers”in də uyğunluq sertifikatı alacaq.

Belə sertifikatlar Xəzərdənkənar hövzələrdə iri həcmli gəmilərin istismarına imkan verir.

Hazırda Xəzər Dəniz Gəmiçiliyinin Qara və Aralıq dənizlərində 10 quru yük gəmisi üzür.