Akademik Milli Dram Teatrı mövsümün son tamaşalarını təqdim edəcək.

Teatrın mətbuat xidmətindən Kult.az-a verilən məlumata görə, teatrın kollektivi 149-cu teatr mövsümünü yekunlaşdırıb yay tətilinə yollanacaq.

İyunun 17-də teatrsevərlərə Həsən Həsənovun “Qürbətdən gələn məktublar” tamaşası təqdim olunacaq. Tamaşanın quruluşçu rejissoru xalq artisti Mərahim Fərzəlibəyovdur. Səhnə əsərinin quruluşçu rəssamı əməkdar mədəniyyət işçisi İlham Elxanoğlu, musiqi tərtibatçısı Həmid Kazımzadədir.

Mikayıl Müşfiqin xatirəsinə ithaf edilmiş Əli Əmirlinin “Ah, bu uzun sevda yolu” tamaşası iyunun 18-də nümayiş ediləcək. Səhnə əsəri ikihissəli tale dramıdır. Tamaşanın bədii rəhbəri və quruluşçu rejissoru xalq artisti Azər Paşa Nemətov, rəssamı əməkdar mədəniyyət işçisi İlham Elxanoğlu, bəstəkarı xalq artisti Siyavuş Kərimidir.

İyunun 19-da “Cəhənnəm sakinləri” tamaşası oynanılacaq. Xalq yazıçısı Elçin Əfəndiyevin eyniadlı pyesi əsasında hazırlanan səhnə əsərinin müəllifi, quruluşçu rejissoru və rəssamı xalq artisti Azər Paşa Nemətovdur.

25-26 iyun tarixlərində isə “Zəfər yolu” tamaşası nümayiş olunacaq. Teatrın bağlanış mərasimi məhz bu tamaşa ilə olacaq.