Görkəmli iqtisadçı İbrahim Məmmədov dünyasını dəyişib.

Bu barədə Strategiya.az-a məlumat verən mərhumun qohumu Vəfa Seyidova görkəmli iqtisadçı İbrahim Məmmədovun dünən dəfn edildiyini bildirib.

Qeyd edək ki, Məmmədov İbrahim Xəlil oğlu 1930-cu ildə Naxçıvan MR Şərur rayonunun Danzik kəndində anadan olmuşdur. Məmmədov İbrahim Xəlil oğlu 1966-cı ildə "Şərəf nişanı" ordeni ilə, 1970-ci ildə V.İ.Leninin anadan olmasının 100 illiyi ilə əlaqədar "Yubiley medalı", 1971-ci ildə Dövlət Plan Orqanlarının 50 illiyi münasibətilə "Tərifnamə", 1973-cü ildə "Qırmızı Əmək Bayrağı" ordeni ilə, 1976-cı ildə "Xalqlar Dostluğu" ordeni və Xalq Təsərrüfatında görkəmli nailiyyətlərinə görə SSRİ Xalq Təsərrüfatı nailiyyətləri sərgisinin "Qızıl medal" ilə, 1984-cü ildə Bolqar-Sovet dostluğunun təsisi ilə əlaqədar "Tərifnamə" ilə təltif olunmuşdur.

Uzun illər Dövlət Plan Komitəsi sədrinin birinci müavini, Kənd Təsəsrüfatı və İqtisadiyyat nazirinin müavini işləmişdir. İqtisadçı kadrların hazırlanmasında xüsusi xidmətləri olmuşdur.

1996-cı ildə Beynəlxalq Energetika akademiyasının Akademiki seçilmişdir. Professordur.

Allah rəhmət eləsin.