Azərbaycan əleyhinə yazı yazmayan yeganə erməni yazıçı Qrant Matevosyan idi.

Kult.az xəbər verir ki, bunu Teleqraf-a müsahibəsində Vətəndaş Həmrəyliyi Partiyasının sədri, xalq şairi Sabir Rüstəmxanlı deyib.

O bildirib ki, mətbuat və informasiya naziri olan vaxt (1991-1995) Qazax rayonu ərazisində “Didivan” restoranında Ermənistandan gələn yazıçılar və tənqidçilərlə görüşü olub:

“Qrant Matevosyan da onların içərisində idi. Bu görüşdə də onlara dedim ki, Qrant Matevosyandan başqa bütün erməni yazıçılar Azərbaycanın və azərbaycanlıların əleyhinə yazılar yazıb. Sanki onların arasında yarış gedirdi ki, kim daha çox Azərbaycanın və türkün əleyhinə yazı yazacaq. Matevosyan onda dedi ki, biz ömrü boyu azərbaycanlılarla qonşu olmuşuq və həmişə yaxşılıq görmüşük. Nəyə görə azərbaycanlılar haqqında əks təbliğat aparmalıyam?”