Vatsap messencerinin tərtibatçıları spam əleyhinə tədbirləri gücləndirmək üçün platforma istifadəçilərinın və biznes hesablarının rəy almadan kontaktlara göndərə biləcəyi mesajların həcmini məhdudlaşdırmaq niyyətindədir.

Axar.az xəbər verir ki, bu barədə sosial platforma özü məlumat yayıb.

Yaxın gələcəkdə naməlum kontaktlara ünvanlanan bütün mesajlar yeni aylıq limitə qədər hesablanacaq. Məsələ ondadır ki, mesaj göndərən şəxs ən azı bir cavab alan kimi bu limit qaldırılır. Dəqiq limitlər hələ açıqlanmasa da, şirkət müxtəlif variantları sınaqdan keçirdiyi üçün messencer müəyyən edilmiş limitə yaxınlaşdıqda istifadəçiləri və şirkətləri xəbərdar edəcək. Bu, gələcək mesajların avtomatik bloklanmasının qarşısını almalıdır.

Mövcud məlumata görə, bu yenilik yaxın həftələrdə bir neçə ölkədə test rejimində yayılmağa başlayacaq. Yeni mexanizm ilk növbədə bəzi biznes hesabları və fiziki şəxslər tərəfindən göndərilən kütləvi spam məktubların qarşısını almağa yönəlib.