Bakı şəhərində taksi sürücüsünün məktəbliyə qarşı göstərdiyi qeyri-etik davranış polis əməkdaşları tərəfindən araşdırılıb.

Daxili İşlər Nazirliyindən Axar.az-a verilən məlumata görə, Yasamal rayonu ərazisində BYD markalı, 77-VK-571 dövlət qeydiyyat nişanlı avtomobilin sürücüsü Emin Oruczadə hazırlığa apardığı şagirdə qarşı etik normalara zidd hərəkətlər etdiyinə görə saxlanılıb və müvafiq qərarla həbs edilib.

Uşaqlara qarşı hər hansı mənəvi, fiziki və ya etik zorakılıq yolverilməzdir.

Nazirlikdən bildirilib ki, uşaqları məktəbə və ya hazırlığa göndərərkən istifadə etdiyiniz nəqliyyat vasitələri barədə əmin olun, şübhəli davranışlar müşahidə etdikdə dərhal 102 qaynar xəttinə məlumat verin.