Tovuzda ana yardım bəhanəsi ilə daxil olduğu evdə 3 aylıq körpəsini tərk edərək uzaqlaşıb.

Axar.az Teleqraf-a istinadla xəbər verir ki, qadın kimsəsiz olduğunu əsas gətirərək tanımadığı yaşlı sakindən kömək istəyib. Ev sahibi qadının üç aylıq körpəsi ilə birgə mənzilə daxil olmasına icazə verib.

Bir müddət sonra ana uşağa qida almaq adı ilə evdən çıxıb və geri dönməyib. Bundan sonra ev sahibi dərhal polis orqanlarına məlumat verib.

Hazırda üç aylıq qız uşağı Tovuz rayon Mərkəzi Xəstəxanasına yerləşdirilib və həkim nəzarətindədir. Körpənin müayinələrdən sonra sığınacağa təhvil verilməsi planlaşdırılır.

Faktla bağlı araşdırma aparılır.