Metrodan istifadə edən məmurlarımız var.

Axar.az xəbər verir ki, bu sözləri Bakı Metropoliteninin sabiq rəisi, YAP Yasamal rayon təşkilatının sədri Tağı Əhmədov Teleqraf.com-a geniş müsahibəsində deyib. O, metrodan istifadə edən deputatların da olduğunu xatırladıb:

"Deputatlardan Aydın Mirzəzadə də metrodan istifadə edir. O cür deputatlarımız çoxdur. Xalqın firavan yaşayışının göstəricisidir, hər bir deputatın maşını var, metrodan istifadə etmir, burada pis heç nə yoxdur. Lazım gəlsə, metrodan da istifadə edəcək. Metro gözəl nəqliyyat növüdür, ondan həmişə istifadə etmək lazımdır. İnsanı mənzil başına tez çatdırır. Maşınla yolda bəzən 1 saat tıxacda qalırsansa, metrodan istifadə edən şəxs bu problemlə qarşılaşmır. Mənim maşınım varsa, o demək deyil ki, hökmən hər yerə maşınla getməliyəm.

I Avropa Oyunları zamanı metrodan istifadə edirdim, bilirdim ki, maşınla getsəm tıxaca düşəcəyəm, yarışa vaxtında çata bilməyəcəm. Dövlət Filarmoniyasında hər hansı konsertə gedəndə "Sahil" metrosundan "İçərişəhər"ə metro ilə gedirəm".