09:14

Ağdam rayonunda qətl hadisəsi baş verib.

Axar.az xəbər verir ki, hadisə rayonun Səfərli qəsəbəsində qeydə alınıb.

Belə ki, rayon sakini, 1996-cı il təvəllüdlü Eldəniz Elşən oğlu Qənbərov mübahisə zəminində qayınatası, 1969-cu il təvəllüdlü Zakir Cəlal oğlu Hüseynovu bıçaqlayıb.

Zakir Hüseynov aldığı xəsarətlər nəticəsində ölüb.

Faktla bağlı cinayət işi başlanıb, araşdırma davam etdirilir.

***

Ağdam rayonunda kürəkənin qayınatasını qətlə yetirməsi hadisəsinin bəzi təfərrüatları məlum olub.

Teleqraf xəbər verir ki, hadisədən əvvəl Eldəniz Qənbərovun həyat yoldaşı ailədaxili mübahisədən sonra ər evindən çıxaraq ata evinə gedib.

E.Qənbərov həyat yoldaşını geri qaytarmaq üçün qayınatasının evinə gəlsə də, qadın onunla getməyə razı olmayıb. Qayınatası Zakir Hüseynov isə kürəkəninə qızının 2-3 gün ata evində qalmasını, sakitləşdikdən sonra məsələnin həllinə baxılmasını təklif edib.

İlkin məlumata görə, bundan əsəbiləşən E.Qənbərov gecə saatlarında qayınatasının yaşadığı evə gəlib. O, pəncərədən evə daxil olub və yatmış vəziyyətdə olan Z.Hüseynova bıçaqla xəsarətlər yetirib. Zakir Hüseynov aldığı xəsarətlərdən həyatını itirib.

Məlumata görə, Eldəniz Qənbərov daha əvvəl də, eləcə də sonuncu mübahisə zamanı həyat yoldaşına fiziki zor tətbiq edərək xəsarət yetirib.

Qeyd edək ki, E.Qənbərovun 5 övladı var.