09:51

“MTV Azərbaycan” telekanalına yeni icraçı direktor təyin olunması ilə bağlı yayılan məlumat həqiqətə uyğun deyil.

Axar.az xəbər verir ki, bu barədə Lent.az-a “MTV Azərbaycan”dan məlumat verilib.

Bildirilib ki, bəzi media resurslarında Sevinc Tahirovanın “MTV Azərbaycan” telekanalının icraçı direktoru vəzifəsinə təyin edilməsi barədə yayılan xəbər yanlışdır.

“Sevinc Tahirovanın telekanalın icraçı direktoru vəzifəsinə təyin olunması ilə bağlı məlumat həqiqəti əks etdirmir”.

Qeyd edək ki, bu gün Sevinc Tahirovanın müvafiq əmrlə “MTV Azərbaycan”ın icraçı direktoru təyin edildiyi barədə məlumat yayılıb.

Əvvəlki illərdə ölkənin aparıcı televiziya kanallarında da fəaliyyət göstərən S.Tahirova 2015–2016-cı illərdə ANS TV-də jurnalist, 2007–2010-cu illərdə isə Lider TV-də jurnalist və ictimaiyyətlə əlaqələr mütəxəssisi vəzifələrində çalışıb.