Ana səhifə Toplum |
Krımda azərbaycanlılar, taekvando üzrə vaxtilə Avropa çempionatının mükafatçıları olmuş Üzeyir və Teymur Abdullayev qardaşları terrorçuluqda ittiham olunaraq həbs olunublar.
Report-un məlumatına görə, Simferepol şəhər məhkəməsi onların barəsində həbs qətimkan tədbiri seçib.
Həbs qətimkan tədbirinin müddəti 11 mart 2017-ci ildə bitəcək.
Qardaşlar dini radikalizm adı altında terror planının həyata keçirilməsində, buna rəhbərlik edilməsində ittiham olunurlar. Keçmiş çempionlar barəsində Krım vilayəti Cinayət Məcəlləsinin 215.5 maddəsi (terrorçuluq) ilə cinayət işi də qaldırılıb. Onlarla bərabər daha bir neçə nəfər də saxlanılıb. Qardaşların ailəsi ittiham ilə razılaşmır, onların yalnız dini ibadət ilə məşğul olduğunu bildirirlər.
Qeyd edək ki, hər iki qardaş 1996-cı ildən Krımda yaşayır, hər ikisi Azərbaycan vətəndaşıdır. Qardaşlar ötən əsrin 90-cı illərində Azərbaycanı taekvando üzrə Avropa çempionatında təmsil edərək mükafat qazanıblar.
Tarix
2016.12.08 / 17:25
|
Müəllif
Axar.az
|