Ana səhifə Toplum |
Azərbaycanda statistik rəqəmlər sübut edir ki, xəyanət nəticəsində boşanma halları, illər ötdükcə daha da artır.
Bunu psixoloq Elnur Rüstəmov Axar.az-a ailələrin xəyanətə görə boşanması haqda danışarkən deyib. Onun sözlərinə görə, xəyanət olarsa, tərəflər ilk olaraq bunun səbəblərini araşdırmalıdır:
“Xəyanətin nə səbəbdən baş verməsini araşdırmaq, xəyanət edən tərəfi “cəzalandırmaq”dan daha önəmlidir. Xəyanət baş veribsə, demək ki, tərəflər arasında münasibətdə soyuqluq əmələ gəlib. Bu halda tələsmək lazım deyil. Yaxşı olardı ki, əvvəlcə problemlər həll olunsun, sonra qərar verilsin. İlk olaraq prosesin baş vermə səbəbini həll etmək lazımdır. Nə səbəbdən olub və doğurdan da xəyanət olubmu? Bu suallar düzgün cavabını tapmış olsa, xəyanət halları da azalmış olar. Boşanma həddinə çatan insanlar, daha çox psixoloq məsləhətinə ehtiyac duyur. Müşahidələr göstərir ki, psixoloq məsləhətindən yararlanan saysız insanı boşanma fikrindən daşındırmaq mümkün olub”.
Qeyd edək ki, ötən ilin 11 ayı ərzində 12 min boşanma halı qeydə alınıb. Bunun da çoxu xəyanətə görə baş verib.
Tarix
2017.03.05 / 00:11
|
Müəllif
Turanə Məmmədli
|