Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
19 Sentyabr 2020


O ailələrin maddi imkanı yoxdur ki... - Deputat

Ana səhifə Toplum
12 Punto 14 Punto 16 Punto 18 Punto

Millət vəkili Qənirə Paşayeva parlamentin bugünkü iclasında hökumətin 2016-cı hesabatının müzakirəsi zamanı bir daha tələbə yataqxanalarının vəziyyətinə toxunub.

Axar.az xəbər verir ki, deputat belə yataqxanalardakı tələbələrin əksəriyyətinin maddi cəhətdən nisbətən imkansız ailələrin övladları olduğunu və onların yüksək qiymətli kirayə evlərində yaşamaqda çətinlik çəkdiklərini bildirib:

“Bir dövlətin və millətin inkişafı təhsildən keçir. Bölgələrimizdə, kəndlərimizdə böyüyən gənclərimizin savadlı olması, ali təhsil arxasınca getməsi çox önəmlidir. Amma rayonları təmsil edən millət vəkillərinin hamısı bu problemin şahididir ki, bölgələrimizdən, kəndlərimizdən ali təhsil almaq üçün gələn tələbələrimiz və onların ailələri ciddi problemlə üzləşirlər. Çünki universitetlərimizin bir çoxunun yataqxana sistemi demək olar ki, yox səviyyəsindədir. Məsələn, bu iclasda iştirak edən millət vəkillərinin və hökumət üzvlərinin bir hissəsi BDU-nun məzunlarıdır. Bu gün 20 minə yaxın tələbəsi olan BDU-da bir dənə də tələbə yataqxanası yoxdur. Sovet dövründə təxminən 7 yataqxanası var idi. Bildiyim qədər, universitetin yataqxanalarının layihəsi də var. Hökumətimizi bu məsələyə xüsusi diqqət yetirməyə, yataqxanalar probleminin həlli istiqamətində sürətli addımlar atmağa çağırırıq. Çünki bu gün ali təhsil müəssisələrimizdə təhsil alan tələbələrin təxminən yarısı ödənişli təhsil alır və təbii ki, bölgələrdən, kəndlərdən olan ailələrimiz üçün övladının təhsil, yemək və geyimlə bərabər, baha kirayə xərclərini ödəmək çox ağırdır. Çünki Bakıda evlərin kirayə haqları çox bahadır. Belə halda çətinliklə üzləşən ailələrin bəziləri ali təhsil alma imkanı qazansa da, övladlarını ali məktəblərə göndərmirlər. Ona görə də ali təhsil müəssisələrinin yataqxanalarla bağlı problemi çox ciddi məsələdir və qısa zamanda öz həllini tapmalıdır.".

Q.Paşayeva çıxışında həmçinin, ictimai nəqliyyata nəzarətin gücləndirilməsi məsələsinə toxunub. O, bu günlərdə 6 tələbənin faciəli ölümü və xeyli sayda tələbənin yaralanması ilə nəticələnən Bakı-Sumqayıt yolunda baş verən məlum qəzanı xatırladıb:

“Mən bilirəm ki, hörmətli nazirimiz Ramin Quluzadə ictimai nəqliyyata nəzarətin gücləndirilməsi məslələsinə xüsusi diqqət göstərir. Hesab edirəm ki, ictimai nəqliyyata nəzarət məsələsi çox gücləndirilməlidir. Bu günlərdə Bakı-Sumqayıt yolunda baş vermiş faciəli qəza bunu bir daha aktual və zəruri edir. Biz yaralı tələbələrə xəstəxanada baş çəkdiyimiz zaman onların danışdıqları insanı dəhşətə gətirirdi. İctimai nəqliyyatda qanunsuz, nəzarətdən kənar fəaliyyətə icazə verilməməlidir və onun keyfiyyəti daha da artırılmalıdır”.

Tarix
2017.03.17 / 19:29
Müəllif
Axar.az
Şərhlər
Digər xəbərlər

Restoranlarda toy eləmək daha mümkün olmayacaq - Deputat

Professor BDU-ya niyə buraxılmadı? - Təfərrüat

Qaraçuxurda neftçilərə yeni mənzillər verildi

Müğənni döyüldü, polis isə ona cinayət işi açdı? – Video

İki il əvvəl partlayışda dağılan bina ilə bağlı yeni xəbər

Prezidentin bu TV-lərimizə müsahibəsi - Video

Dənizdə dalğanın hündürlüyü 3 metrə çatır - Faktiki hava

DİN məlumat yaydı: 41 nəfər saxlanıldı

Daha bir vəzifəli şəxs cərimələndi

Ölkəmizdə koronaya yoluxanların sayı yenə artdı

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla