Urmiya gölündə suyun səviyyəsi keçən ilə nisbətən 16% azalıb.

Axar.az xəbər verir ki, bunu İSNA agentliyinə açıqlamasında Şərqi Azərbaycanın Böhran Mərkəzinin rəhbəri Xəlil Sai söyləyib.

“Hazırda Urmiya gölü dəniz səviyyəsindən 1270,86 metr yüksəkdədir. Bu, ötən illə müqayisədə göldə suyun səviyyəsinin 16 santimetr aşağı düşdüyünü göstərir. Ötən il bölgədə yağıntılar çox idi. Suyun səviyyəsi hər gün 2 santimetr yüksəlirdi. Cari ildə isə yalnız aprelin 14-də çoxlu yağıntılara şahid olduq”, – deyə o bildirib.

Qeyd edək ki, Urmiya gölü son günlər quruma təhdidi ilə qarşı-qarşıyadır. İran rəsmiləri dəfələrlə gölün qurumasının qarşısını alacağını söyləsələr də, hələlik nəticə yoxdur. Gölün quruması bölgədə fəlakətin yaranmasına səbəb ola bilər.