Ana səhifə Toplum |
İyulun 9-da Xaçmazın Müzəffəroba kəndində gilas ağacından yıxılaraq ölən 50 yaşlı Fatimə Novruzovanın həyat yoldaşı da dünyasını dəyişib.
Axar.az İstipress-ə istinadən xəbər verir ki, bu gün səhər saatlarında qadının həyat yoldaşı, 61 yaşlı Mahmud Lətif oğlu Novruzovun yaşadığı evdə ürəyi partlayıb.
Məlumata görə, ailə üzvləri, qohumlar, kənd sakinləri səhər saatlarında mərhum Fatimə Novruzovanın qəbri üstünə getməyə hazırlaşıb. Mahmud Lətifov qohumuna özünü pis hiss elədiyini deyib və ürəyini tutub. Ailə üzvləri dərhal Xaçmaz Mərkəzi Xəstəxanasından təcili yardım çağırıblar. Həkim briqadası Mahmud Novruzovun öldüyünü təsdiqləyib.
Hazırda Xaçmaz Prokurorluğu 61 yaşlı Mahmud Lətifovun arvadının ölümünə dözməməsi səbəbindən intihar edib-etməməsi versiyasını araşdırır.
Məlumata görə, bu gün vəfat edən M.Lətifov DİN-nin Baş Mühafizə İdarəsinin Su kəmərlərinin Mühafizəsi Alayının təqaüdə çıxan polis nəfəri olub. O, vəfat edən həyat yoldaşı Fatiməsiz yaşaya bilməyəcəyini, onsuz həyatının mənasının olmayacağını deyirmiş.
Tarix
2017.07.10 / 12:28
|
Müəllif
Nigar İxtiyarqızı
|