ABŞ Prezidenti Donald Tramp Amerika ilə NATO-ya üzv Avropa ölkələri arasındakı münasibətlərdə strateji qeyri-müəyyənlik yaradıb. Nəticədə müttəfiqlər artıq ABŞ-ın Rusiyanın mümkün təcavüzü halında onlara hərbi dəstək verəcəyinə əvvəlki kimi əmin deyillər.

Axar.az xəbər verir ki, bu barədə "Qardian" məlumat yayıb.

Məlumata görə, bu narahatlıq xüsusilə Baltikyanı ölkələrdə və Polşada daha kəskin hiss olunur:

"Bağlı qapılar arxasında siyasətçilər Rusiyanın mümkün hücumu halında ABŞ-ın müdaxilə etməyəcəyi ssenarini müzakirə edirlər. Əvvəllər bu cür müzakirələr yalnız nəzəri xarakter daşıyırdı, lakin indi onlar tədricən praktik planlaşdırma müstəvisinə keçir. Avropa paytaxtlarında ABŞ-ın mümkün müdaxilə etməyəcəyi ssenari getdikcə daha çox müzakirə olunur.

Bu isə həmin ölkələri öz müdafiə strategiyalarına yenidən baxmağa və Avropanın müstəqil müdafiə imkanlarının gücləndirilməsinə daha çox diqqət ayırmağa vadar edir. Trampın Ağ Evə qayıdışından sonra Şərqi Avropa ölkələrini getdikcə daha çox bir kabus ssenarisi düşündürür: əgər Rusiya hücum etsə, ABŞ döyüşə qoşulmasa nə baş verər?".