Hazırda Azərbaycanda 151 balıq vətəgəsi var.

Axar.az xəbər verir ki, ötən il Xəzər dənizinin Azərbaycana aid sahil sularında və daxili su hövzələrində 8 hüquqi və 143 fiziki şəxs vətəgə yaradıb. Hazırda onlar qanuni balıq ovu ilə məşğul olur.

Xatırladaq ki, dənizdə sənaye balıq ovunun aparılması üçün Su Hövzələrində Bioloji Resursların Artırılması və Mühafizəsi Departamentinin icazəsi olmalıdır.

Bu icazənin alınması üçün isə ərizə, şəxsiyyət vəsiqəsi, istifadəçi hüquqi şəxs olduqda dövlət qeydiyyatı haqqında şəhadətnamə, istifadəçi hüquqi şəxs yaratmadan sahibkarlıq fəaliyyəti ilə məşğul olan fiziki şəxs olduqda fiziki şəxsin vergi uçotu haqqında şəhadətnamə, balıqovlayan gəminin və motorlu qayığın üzgüçülüyə yararlılığı haqqında şəhadətnamə, gəmi və ya qayıq üzərində mülkiyyət hüququnu təsdiq edən sənəd, balıq ovunda iştirak edəcək balıqçının adı, atasının adı, soyadı barədə məlumatlardan ibarət sənədlər lazımdır.