Türkiyənin Avropa Birliyi və ABŞ-la münasibətlərinin zəifləməsi fonunda türk lirəsi son bir neçə həftə ərzində dollar qarşısında xeyli ucuzlaşıb. Əgər türk lirəsi dollar qarşısında ucuzlaşıbsa, manat qarşısında da dəyərini itirmiş hesab edilir. Azərbaycana Türkiyədən qida, geyim məhsullarının idxal edildiyini nəzərə alsaq, həmin məhsulların qiymətində nə kimi dəyişiklik olacagı məsələsi gündəmə gəlir. Ekspertlər ucuzlaşmanın olacağını proqnozlaşdırırlar.

Xəzər xəbər-in məlumatına görə, hazırda Türkiyədə 1 dollar 4.7-4.8 lirəyə bərabərdir.

İqtisadçı ekspert Vüqar Bayramovun sözlərinə görə, idxal məhsullarında qiymətin enməsi gələn ayın sonuna təsadüf edəcək. İlk növbədə, əvvəlki aylarda köhnə qiymətə alınan məhsulların tam istehlak edilməsi lazımdır.

Məlumdur ki, ölkəmizdən Türkiyənin kurort şəhərlərinə dincəlməyə gedənlərin sayı çoxdur. Turizm agentləri deyir ki, lirənin dəyər itirməsi turizm sektoruna da təsir göstərəcək. Ekspert Valeh Cəfərovun sözlərinə görə, turpaketlərdə ucuzlaşma bir qədər gec yaşanacaq. Təbii ki, lirənin ucuzlaşması belə davam edərsə...

Proqnozların özünü doğruldub-doğrultmayacağını isə zaman göstərəcək.