25 sentyabr 2014-cü il tarixində Fövqəladə Hallar Nazirliyinin Dövlət Yanğından Mühafizə Xidməti Gədəbəy rayon Dövlət Yanğından Mühafizə Hissəsinin yeni inzibati binasının açılışı olub.

Fövqəladə Hallar Nazirliyindən Axar.az verilən məlumata əsasən, Azərbaycan Respublikasının fövqəladə hallar naziri general-polkovnik Kəmaləddin Heydərov ən yüksək standartlara cavab verən müasir avadanlıqlarla təchiz olunan binanın açılışını bildirən rəmzi qırmızı lenti kəsib, burada təşkil olunub və ulu öndər Heydər Əliyevin fotoşəkilləri olan stend, dispetçer, tədris və istirahət otaqları, yeməkxana ilə tanış olub. Məlumat verilib ki, hissə ən müasir yanğınsöndürmə texnika və avadanlıqları ilə təchiz olunub, burada şəxsi heyətin normal iş fəaliyyəti üçün hər cür şərait yaradılıb.