Şabran polisi xüsusi əməliyyat həyata keçirib.

Axar.az-a daxil olan məlumata görə, narkotiklərlə mübarizə çərçivəsində təşkil olunan əməliyyatda 4 nəfər həbs olunub. Məlumatda deyilir ki, əməliyyat rayonun özündə baş tutub.

Polis narkomaniya ilə məşğul olan anda Şabran sakinlərini yaxalayıb. Xəbərdə qeyd olunur ki, polis həbs olunanların üzərinə baxış keçirib və onlardan istifadədən daha artıq heroin aşkar edib. Hazırda həbs edilənlər rayon polis şöbəsində saxlanır.

Qeyd edək ki, bundan qabaq Şabran polisi gecə saatlarında əməliyyat keçirərək priton kimi fəaliyyət göstərən kafedə 6 nəfəri saxlamışdı.