Axar.az
Yuxarı

Axar.Az Logo carnation

“Azərsu” əməkdaşları sayğacı rüşvətlə quraşdırır?

Ana səhifə Toplum
12 Punto 14 Punto 16 Punto 18 Punto

Su Cihazları və Sayğacları Departamentinin əməkdaşları pulsuz quraşdırmalı olduqları sayğacları vətəndaşlara 140 manata təklif edirlər.

Belə bir problemlə üzləşmiş vətəndaş Mahmud Hüseynov Axar.az-a şikayət məktubu yazaraq qeyd edir ki, sahibi olduğu Binəqədi rayonu Svetlana Məmmədova küçəsində yerləşən "Aysu" kafesindən 10 metr kənarda olan su sayğacındakı nasazlıqla bağlı Binəqədi Rayon Su Kanalizasiya idarəsinə müraciət edib. M.Hüseynovun avqust ayından etibarən idarəyə dəfələrlə yazılı və şifahi şəkildə müraciət etməsinə baxmayaraq, şikayətçinin problemini həll edən olmayıb.

Ancaq üç aydan sonra, oktyabrın 15-i tarixində Su Cihazları və Sayğacları Departamentinin məsul şəxsləri sayğacı dəyişib və bunun qarşılığında vətəndaşdan 140 manat pul tələb ediblər:

"Sayğac mənim kafemdən 10 metr aralıdadır. Mənim o sayğaca qətiyyən müdaxiləm olmayıb. Su bitdikdən sonra karta yükləyib sayğaca vururdum. 3 ay əvvəl isə sayğac fasiləsiz olaraq işləməyə başladı. Yəni kartda vəsait qurtarsa da, su kəsilmirdi. Bu səbəbdən müraciət etdim. Departamentin əməkdaşları sayğacı laboratoriyaya aparıb araşdırmalı idilər. Ancaq heç bir araşdırma aparmadan yeni sayğac gətirdilər".

Şikayətçi qeyd edir ki, departamentin əməkdaşları havayı quraşdırmalı olduqları sayğaca görə ondan 140 manat pul tələb edir:

"İlk dəfə sayğac quraşdıranda 240 manat pul tələb etdilər, ödədim. İndi mənim heç bir müdaxiləm olmadan 240 manat ödədiyim sayğac işləmir, özləri də deyir ki, problem sayğacın içindədir. İçində problem olan sayğaca görə 240 manat ödəmişdim vaxtilə, bəs indi niyə yenisi üçün 140 manat yenidən ödəməliyəm? Sayğacın içində problem varsa, bu onların problemidir və həll etməyə borcludular. Dəfələrlə belə problemlə üzləşəndə ya süründürməçiliyə yol verirlər, ya da havayı etməli olduqları işə görə pul tələb edirlər".

Şikayətçi hazırda quraşdırılmış sayğacı Su Cihazları və Sayğacları Departamentinin vəsaiti hesabına quraşdırımasını xahiş edir.

"Azərsu" ASC-nin mətbuat xidmətinin rəhəbəri Anar Cəbrayıl Axar.az-a açıqlamasında dedi ki, problemin mahiyyəti ilə maraqlanacaq. Ancaq qurum rəsmisi kommersiya obyektlərində köhnə sayğacın yenisi ilə əvəzlənməsinin şəxsin öz hesabına həyata keçirildiyini də xatırlatdı:

"Konkret bu məsələdə şikayətin nədən ibarət olduğu yalnız araşdırılandan sonra cavablandırıla bilər. Ancaq qeyd edim ki, kommersiya obyektlərində sayğacın yenisi ilə əvəz edilməsi üçün vətəndaş tərəfindən pul ödənməlidir".

Tarix
2014.10.18 / 10:50
Müəllif
Nigar İxtiyarqızı
Şərhlər
Digər xəbərlər

Haaqada “20 Yanvar uşaqların gözü ilə”... - Foto

Daha bir tərxis olunan əsgər faciəvi şəkildə öldü - Foto

Rəşid Mahmudovun xəstəxanadan şəkli yayıldı - Foto

Azərbaycan PUA-ları savaş strategiyasını dəyişdi - Ekspert

İlk qələbə müjdəçisi olan qəhrəmanımız - Video

Azərbaycanla Türkiyə arasında yeni platforma yaradılır

Hava kəskin soyuyur: evlərə verilən istilik artacaqmı?

Saziş: Bu ölkənin kanallarını da izləyə biləcəyik

Bu ərazilərə qar yağdı – Faktiki hava

Kamran Əliyev polşalı səfirlə görüşdü - Foto

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla