Bakı Şəhəri üzrə Təhsil İdarəsi (BŞTİ) tərəfindən Binəqədi və Xəzər rayonları üzrə səyyar qəbullar keçirilib.

Bakı Şəhəri üzrə Təhsil İdarəsindən AzərTAc-a bildiriblər ki, səyyar qəbullar zamanı müəllimlərin və valideynlərin müraciətləri dinlənilib, onları narahat edən məsələlər ilə əlaqədar BŞTİ-nin struktur bölmələrinə müvafiq tapşırıqlar verilib.

Əsas müraciətlər məktəblərin təmir olunması, şagirdlərin musiqiyə olan marağını daha da artırmaq üçün məktəblərdə müvafiq dərnəklərin təşkil edilməsi və s. ilə bağlı olub.