Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
19 Fevral 2019


Texnika hazır vəziyyətə gətirildi - Anar Nəcəfli

Ana səhifə Toplum
12 Punto 14 Punto 16 Punto 18 Punto

Biz Ekologiya və Təbii Sərvətlər Nazirliyinin verdiyi proqnoza əsasən işləyirik. Proqnozda ciddi xəbərdarlıq və qar yağacağı ilə bağlı məlumat varsa, bütün texnika hazır vəziyyətə gətirilir.

Bu sözləri Axar.az-a Azərbaycan Avtomobil Yolları Dövlət Agentliyinin mətbuat katibi Anar Nəcəfli Ekologiya və Təbii Sərvətlər Nazirliyinin bu gecədən etibarən ölkə ərazisində müşahidə olunacaq soyuq hava, güclü külək və çovğun xəbərdarlığı ilə əlaqədar olaraq sözçüsü olduğu qurumun gördüyü işlər barədə danışarkən bildirib.

A.Nəcəfli deyib ki, anomal hava şəraiti ilə bağlı xüsusi nöqtələr var ki, orada texnika həmişə hazır vəziyyətdədir və öncədən nəzarətə götürülüb:

“Çünki problem olacağı halda ilk olaraq həmin yoldan başlayır. Bu səbəbdən o yol daim nəzarətdədir. Azərbaycan Avtomobil Yolları Dövlət Agentliyi olaraq biz payız-qış mövsümünə hazırlıqla əlaqədar olaraq oktyabr ayının 1-dən etibarən qışa hazırlıq prosesinə start vermişik, gücləndirilmiş iş rejimində işləyirik. Xüsusilə qar yağacağı təqdirdə yolların qardan-buzdan təmizlənməsi üçün yanacaq ehtiyatı toplanıb. Maşınlar, maşın mexanizmlər saz vəziyyətə gətirilib. O cümlədən də qum, duz ehtiyatı toplanıb. Həmçinin işçilərin də isti paltarla təmin edilməsi həyata keçirilib.

Qış fəsli ilə əlaqədar olaraq idarələrimizdə növbətçilik sistemi fəaliyyət göstərir. Hər hansı yolda problem yaranacağı təqdirdə həmin ərazilərə dərhal əməkdaşlar göndəriləcək”.

A.Nəcəfli bildirib ki, Bakı şəhərində yaxın günlər ərzində yollarda ciddi problem yaranacağı gözlənilmir:

“Müvafiq nazirlik də Bakıda +2 dərəcə temperatur müşahidə ediləcəyi ilə bağlı məlumat verib. Hətta qar yağsa belə, Bakıda yolların buz bağlaması ehtimalı yoxdur. Ancaq buna baxmayaraq, bütün əməkdaşlarımız və texnikamız hazır vəziyyətdədir. Qar yağacağı təqdirdə şəhərin daxili küçə və prospektlərini Bakı Şəhər İcra Hakimiyyəti, Azərbaycan Avtomobil Yolları Dövlət Agentliyi isə şəhərətrafı, əsas yollar və prospektləri təmizləyəcək. Ancaq ehtiyac yaranacağı təqdirdə hər iki qurum paralel işləyəcək. Məsələn, şəhərdaxili hansısa yolda problem yaranarsa, gözləməyəcəyik ki, BŞİH-nin əməkdaşları gəlib onu aradan qaldırsın.

İki qurum paralel işləyəcəyinə görə onların da əməkdaşları və texnikası hazır vəziyyətə gətirilib”.

Qeyd edək ki, Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, Bakıda və Abşeron yarımadasında sabah havanın kəskin dəyişəcəyi gözlənilir. Güclü şimal-qərb küləyinin 18-23 m/s, arabir 28-33 m/s-dək güclənəcəyi, səhər və gündüz yarımadanın bəzi yerlərində arabir 35-38 m/s-dək şiddətlənəcəyi gözlənilir. Temperaturun anomal gedişi gözlənilir.

Tarix
2019.01.16 / 17:17
Müəllif
Nigar İxtiyarqızı
Şərhlər
Загрузка...
Digər xəbərlər

Bakıya qar yağır - Video

Prezident müşavirini işdən qovdu - İlginc səbəb

Erməni baş redaktor Zeynalova ilə dostluğundan danışdı

Azərbaycanda dəmir yolu ilə nə qədər sərnişin daşınıb?

Nazir bu instituta yeni direktor təyin etdi - Foto

Nazir: Bulanıq suda balıq tutmaq zamanı bitdi - Video

Azərbaycan iqtisadiyyatının böyümə tempi açıqlandı

"Buta Eirveys"in təyyarəsində nasazlıq yarandı

Bakıda 14 liftdən oğurluq edən şəxs saxlanıldı

Əbrunun adından dələduzluq edənə hökm oxundu

KULT
<>
Xəbər xətti
 
Axar.az'da reklam Bağla
Reklam
Bize yazin Bağla