Masazırda göyərçin oğurlayan Bakı sakinləri tutulub.

Abşeron RPŞ-dən Axar.az-a verilən məlumata görə, ayrı-ayrı şəxslərdən 100-ə yaxın göyərçin oğurlayan Elməddin Sərxoş oğlu Əzimov və Elmir Vəli oğlu Qoşqarov saxlanılıb. Göyərçinlərin qiymətinə uyğun olaraq saxlanan şəxslərin vurduğu ziyan müəyyən ediləcək.

Daha bir oğurluq isə Xırdalanda "Bizim market"də olub. Marketin mühafizə rəisi Samir Arif oğlu Hüseynovun Daxili İşlər Nazirliyinin 102 xidmətinə oğurluqla bağlı müraciətindən sonra əməliyyat keçirilib. Keçirilən əməliyyat axtarış tədbirləri nəticəsində oğrunun 17 yaşlı Masazır qəsəbəsindəki yeni yaşayış massivinin sakini Cavid Əlif oğlu Həsənov olduğu aşkarlanıb.

Polis Cavid Həsənovu saxlayıb.