Ana səhifə Toplum |
"Yeni Müsavat" qəzetinin əməkdaşları Sevinc Telmanqızı və Emil Salamoğlu Bakı şəhər Prokurorluğuna çağırılıblar.
Emil Salamoğlu Axar.az-a açıqlamasında deyib ki, onu Bakı şəhər prokurorunun müavini Azər Əsgərov qəbul edib:
"Tural Mustafayevlə bağlı götürdüyüm müsahibədə istintaq sirrini yaydığıma görə mənə xəbərdarlıq olundu. Onların diqqətinə çatdırdım ki, KİV haqqında qanuna əsasən, jurnalistin məlumat əldə etmək və yaymaq hüququ var. Üstəlik, istintaq sirrini yaymamaq barədə müsahibim iltizama qol çəkib və mənim onun fikirlərini yaymamaq öhdəliyim yoxdur. İstintaq sirri barədə qarşı tərəf fikirləşməli idi. Mənə istintaqın gedişinə mane olacaq materiallarla bağlı gələcəkdə diqqətli olmaq tapşırıldı".
Sevinc Telmanqızı isə Lent.az-a açıqlamasında bildirib ki, o, Bakı Şəhər Prokurorluğuna çağırılsa da getməyib.
Tarix
2014.12.09 / 21:44
|
Müəllif
Emin Aslanlı
|