Ana səhifə Toplum |
Azərbaycan Yazıçılar Birliyinin Moskva filialının bəzi üzvləri qurumu tərk ediblər.
Moskvadakı mənbələrdən Axar.az-a daxil olan məlumata görə, AYB-nin Rusiya filialının maliyyələşməsi kəsiləndən sonra bu şəhərdə yaşayan bir qrup şair və yazıçı Azərbaycan Yaradıcılıq Mərkəzi adlı yeni qurum təsis ediblər.
Qrupa rəhbərlik tarix elmləri doktoru Şərəf Hüseynova tapşırılıb, koordinasiya şurasına isə hüquqşünas Abbas Alıyev, şairə Maya Bədəlbəyli, şair Nəsib Nəbioğlu, şair Sultan Mərzili, jurnalist Roman Ağayev, gənc şair Yaşar Süleymanlı, Tofiq Məlikov, Oqtay Hüseynov, Elmar Quliyev, Səyyaf Abdulov adlı şəxslər seçiliblər.
Mənbənin dediyinə görə, Nəsib Nəbioğlu buna qədər AYB-nin Rusiya filalına başçılıq edib. "Yazıçı Anar bir qədər əvvəl Moskvada olub, onlarla da görüşüb. Elə dar çərçivədə söhbət zamanı məlum olub ki, AYB bundan sonra Moskva filialını maliyyələşdirməyəcək. Bu isə Rusyadakı ədiblər arasında etirazla qarşılanıb. Onlar Anara deyiblər ki, qurumu tərk edəcəklər. Anarın cavabı isə qısa olub: "AYB-nin sizə maliyyə ayırmasına imkanı yoxdur!", - deyə mənbə qeyd edir.
Yeni yaradılan mərkəzdə birləşən bir qrup yazarın yaxın zamanlarda açıqlama verəcəyi də gözlənilir.
Tarix
2014.12.12 / 13:08
|
Müəllif
Ceyhun Səmədov
|