13:11

“Rossiya 24”-ün Azərbaycan əsilli aparıcısı Nailə Əsgərzadə Rublyovkadakı Razdorı kəndi yaxınlığında 43 min kvadrat metrlik əraziyə sahib olub.

Axar.az xəbər verir ki, bu məlumatı “Proekt.media” yayıb. Məlumata görə, Əsgərzadənin torpaq sahəsi Mixail Qorbaçov, daha sonra isə Boris Yeltsinin yaşadığı “Barvixa 4” dövlət iqamətgahının yaxınlığında yerləşir.

Sayt torpaq sahəsinin ümumi dəyərinin 45 milyon dollar olduğunu bildirib. Əsgərzadənin torpaq sahəsinin sahibi statusunu bir il əvvəl əldə etdiyi vurğulanıb.

Sənədlərdə azərbaycanlı aparıcının torpaq sahəsinin fərdi mənzil tikintisi üçün yararlı olduğu qeyd edilib. Mətbuatda həmçinin Əsgərzadənin torpaq sahəsinin yaxınlığında Rusiya baş nazirinin müavini Anton Siluanov və müdafiə nazirinin müavini Ruslan Çalikovun iqamətgahlarının yerləşdiyi bildirilib.