Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
17 Sentyabr 2019


Xəyalənin şikayətinə nazirlik cavab verdi

Ana səhifə Toplum
12 Punto 14 Punto 16 Punto 18 Punto

Bakının Nərimanov rayon sakini Orucova Xəyalə Fəxrəddin qızının sosial media səhifələrindən birində yayılmış videomüsahibəsində onun ailəsinə sosial yardım təyin edilməməsinə görə şikayəti və yardımın təyin olunmasına görə rüşvət istənilməsi barədə qeyd etdikləri əsaslı deyil.

Axar.az xəbər verir ki, bu barədə Əmək və Əhalinin Sosial Müdafiəsi Nazirliyinin mətbuat katibi Fazil Talıblı qeyd edib. O bildirib ki, həmin videomüsahibə ilə əlaqədar müvafiq araşdırma aparılarkən müəyyən edilib ki, X.Orucova ailəsinə sosial yardım alınması üçün sonuncu dəfə 2018-ci ildə elektron qaydada müraciət edib.

"Müraciətə baxılaraq, ailəsinin adambaşına düşən kommunal və rabitə xərclərinin cəminin orta aylıq məbləğinin ölkə üzrə təsdiq olunmuş yaşayış minimumunun 10 faizindən çox olması və X.Orucovanın adında olan telefon nömrəsinin müraciət zamanı bəyan edilməməsi səbəblərindən sosial yardım təyinatından imtina qərarı verilib. (Nazirlər Kabinetinin müvafiq qərarı ilə təsdiq edilmiş "Ünvanlı dövlət sosial yardımının alınması üçün müraciət edilməsi, onun təyin olunması, verilməsi və verilməsindən imtina edilməsi Qaydaları"na əsasən). İmtina edilməsinin səbəbləri X.Orucovanın diqqətinə çatdırılıb.

X.Orucova videomüsahibəsində Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun (DSMF) əməkdaşı kimi qeyd etdiyi Mirzə Nəbiyev adlı şəxsin ondan sosial yardım və ya pensiya təyin edilməsi müqabilində rüşvət istədiyini qeyd edir. Bununla əlaqədar diqqətə çatdırırıq ki, nə nazirlikdə, nə də DSMF sistemində Mirzə Nəbiyev adlı şəxs ümumiyyətlə işləmir.

Sağlamlıq imkanları məhdud uşağına görə aylıq təqaüdü (50 manat) ala bilməməsi ilə bağlı dediklərinə gəldikdə isə, bildiririk ki, X.Orucova həmin təqaüdü almaq üçün elə bu ay, yəni avqustun 9-da müraciət edib və müraciət etdikdən qısa müddət sonra da həmin aylıq təqaüd təsis edildiyi aprel ayından etibarən 5 ay (aprel, may, iyun, iyul və avqust) üzrə toplam olaraq 250 manat məbləğində onun kart hesabına köçürülüb.

Ona görə də videomüsahibədə X.Orucovanın ailəsinə sosial yardım təyin edilməsi üçün ondan rüşvət istənilməsi və sağlamlıq imkanları məhdud uşağa qulluğa görə aylıq təqaüdü ala bilməməsi ilə bağlı səsləndirdiyi iddialar əsassızdır".

Tarix
2019.08.23 / 14:35
Müəllif
Axar.az
Şərhlər
Digər xəbərlər

Azərbaycan əhalisi bu il nə qədər qazanıb?

İcra başçısı vəd verdi: Bu gənclərə maşın bağışlayacaq

Əflatun Amaşova vəzifə verildi

Nazir nöqsan və çatışmazlıqlarla bağlı tapşırıq verdi

Nazir göstəriş verdi, DYP hərəkətə keçdi - Foto

Qaydanı pozan sürücü işdən çıxarıldı, avtobus isə... - BNA

Fədayənin məhkəməsi 10-cu dəfə təxirə salındı

Umico ilə alış-veriş edərək "Azercell" nömrənizin balansını artırın!

Sabiq məmur acından ölür? Yeni faktlar üzə çıxdı - Video

AMEA-nın iki institutuna direktor seçildi

KULT
<>
Xəbər xətti
 
e-vetendash
  
  
  
  
  
  
  
  
  
Axar.az'da reklam Bağla
Reklam
Bize yazin Bağla