Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
18 Oktyabr 2019


“Ermənicə” məhsulu Bakıya kim gətirib? - Ekspert

Ana səhifə Toplum
12 Punto 14 Punto 16 Punto 18 Punto

Ölkə bazarında üzərində Azərbaycan dilində məlumat olmayan məhsulun satılması tamamilə qanunsuzdur.

Bu sözləri Axar.az-a Azad İstehlakçılar İctimai Birliyinin sədri Eyyub Hüseynov ölkə bazarında “Nant” firmasının Azərbaycana gətirdiyi, üzərində ancaq erməni və rus dilində məlumat yazılmış “Choco Pie” şirniyyatlarının necə satışa çıxarılması ilə bağlı danışarkən deyib.

E.Hüseynov sözlərinə görə, “Dövlət dili haqqında” qanunda, “İstehlakçıların hüquqlarının müdafiəsi haqqında” Qanunda, Nazirlər Kabinetinin 94 saylı qərarında birmənalı şəkildə qeyd olunub ki, ölkənin əmtəə bazarında satılan bütün mallar xarici dillə yanaşı, Azərbaycan dilində də markalanmalıdır:

“Bu ucuz vətənpərvərlik deyil, bu, istehlakçının beynəlxalq hüquqlarından biri olan mal haqqında informasiya almaq hüququnun təmin olunmasıdır. Təəssüf ki, zəif Gürcüstan, zəif Ermənistan bu məsələni birdəfəlik olaraq öz bazarında həll edib. Bu ölkələrin bazarına milli dildə markalanmayan bir dənə də mal daxil ola bilməz. Lakin Azərbaycanda bu məsələ indiyə qədər həll olunmayıb. Birmənalı şəkildə, əgər malın üzərində Azərbaycan dilində məlumat yoxdursa, o mal qeyri-qanunidir.

Düzdür, ola bilər məhsulun üstündə Azərbaycan dili ilə yanaşı rus, gürcü, erməni dillərində də məlumat olsun. Burada qeyri-qanuni heç nə yoxdur”.

Ekspert bildirib ki, firma səhvə yol verə bilməz, çünki hər bir şirkətlə məhsuluna dair müqavilə imzalanır. O şirkətlə müqavilə yoxdursa, firma onun məhsulunu ölkəyə gətirə bilməz:

“Bu məhsulu ölkəyə gətirən firma əvvəlcə bu məhsulu gətirmək üçün həmin istehsalçı ilə müqavilə imzalamalıdır. Müqavilə yoxdursa, məhsul ölkəyə gətirilə bilməz. Müqavilədə də şərt olur ki, məhsulda Azərbaycan dilində məlumat olmalıdır”.

E.Hüseynov bu məhsulu ölkəyə gətirən firmanı gözləyən cəzadan da danışıb:

“Dövlət orqanları effektli işləsə, üzərində yalnız erməni dilində məlumat olan şirniyyatı ölkəyə gətirib satışa çıxaran “Nant” firmasının bu məhsuldan əldə etdiyi gəlir dövlət büdcəsinə keçirilə bilər”.

Tarix
2019.09.20 / 14:36
Müəllif
Nigar İxtiyarqızı
Şərhlər
Digər xəbərlər

Məşhur türk idmançı Azərbaycanı belə təbrik etdi - Foto

Ölkəmizə qarşı növbəti təxribatçı çağırış... - Etiraz

16 il: yeni mərhələdə yüksəlişin təminatçısı

DTX-nin Mədəniyyət Mərkəzində forum - Foto

Qanunsuz aksiyaya imkan verilməyəcək - Bakı polisi

Heydər Əliyev Fondu ilə UNİSEF memorandum imzaladı

Orduda "NATO günləri" başa çatdı - Foto

Əhalinin mənzil təminatına 142 milyon xərclənəcək

“Azərbaycan” Tvitterdə ikinci oldu – Foto

Nazir Rəşadət Babayevi vəzifəsindən azad etdi

KULT
<>
Xəbər xətti
 
Axar.az'da reklam Bağla
Reklam
Bize yazin Bağla