Azərbaycanlı Rüfət Rəhimov Vikimedia Fondunun qlobal idarəçisi seçilib.

Bu barədə Axar.az-a diaspor üzrə ekspert Elnur Eltürk məlumat verib.

“Qlobal “viki”cəmiyyətinin ortaq qərarı ilə dünən müzakirə yekunlaşıb. Rüfət Rəhimovun namizədliyi tam konsensusla qəbul edilib. Bu, Vikipediyada ikinci ən ciddi hüquqlardan biridir. Rüfət Rəhimov 2015-ci ildə Vikipediyada "Turkmen" istifadəçi adı ilə qeydiyyatdan keçib. O, Azərbaycandilli Vikipediyanın idarəçisi olmaqla yanaşı, türkməncə Vikipediyanın da idarəçisidir. 4 ildir ki, Vikipediyada fəaliyyət göstərən Rəhimov əsasən, Azərbaycan tarixi mövzularında məqalələr üzərində işləyir. Bir neçə məqaləsi Azərbaycandilli “Vikipediya”da “seçilmiş məqalə” statusunu alıb”.