“Koroğlu” metrostansiyasının yaxınlığında, Heydər Əliyev prospektində xüsusi layihə əsasında tikilən binaların üzlükləri dəyişdirilir.

Axar.az xəbər verir ki, daha çox “Atletlər kəndi” kimi tanınan ərazidəki binaların fasadlarında xeyli müddətdir iş aparılır. Birinci mərhələdə şəhərciyin içəri hissəsində olan binaların üzlükləri dəyişdirilib. Pəncərə və balkonların kənarlarına vurulmuş bəzək daşlarından başqa şəhərciyə daxil olan bütün binaların üzlükləri sökülüb.

Binalar başdan-başa yenidən suvaq edilərək rənglənib.

Qeyd edək ki, sözügedən ərazidəki binaların üzlük daşlarının bəzi hissələri kənar təsirlərdən tökülmüşdü.