Bildiyiniz kimi 19 oktyabr aksiyası ərəfəsində mən onları razılaşdırılmamış aksiyadan çəkinməyə çağırmışdım və demişdim ki, bu ona gətirib çıxaracaq ki, elan etdiyiniz payız kampaniyası başlamamış həmin aksiya ilə də başa çatacaq. Bəyan etmişdik ki, insanları hansısa mafoz qüvvələrin və ermənipərəst xarici dairələrin sifarişi ilə mərhumiyyətlərlə üz-üzə qoymayın. Cəmiyyətdə dəyişiklik istəyən fəal vətəndaşlarımız arasında ruh düşkünlüyü yaratmayın. Amma mənim və mənimlə eyni mövqedə olan insanların mövqelərini nəzərə almadılar.

Axar.az xəbər verir ki, bu sözləri BAXCP sədri, millət vəkili Qüdrət Həsənquliyev partiyanın mətbuat xidmətinə Milli Şuranın 2 noyabr aksiyasını ləğv etməsi barədə danışarkən deyib. Q.Həsənquliyev bildirib ki, onlara müraciətində

Q.Həsənquliyev bildirib ki, hər şeyin onun dediyim kimi baş verdiyinə təəssüf edib:

“Çoxlu insan, təşkilatçı da daxil, bu aksiyadan əziyyət çəkdi, xarici bədxahlarımıza ölkəmizin nüfuzuna zərər yetirmək üçün bəhanələr verildi və bəzi insanlarımızda ümidsizlik yaradıldı.

Mitinqin təxirə salınmasına gəldikdə isə, onu da söyləmişdim ki, onlar bu yolla Prezidenti qorxuda bilməyəcəklər. Hesab edirəm ki, Baş Prokurorluğun və DİN-in vaxtında verilmiş son açıqlaması ciddi şəkildə bu qərarın verilməsində rol oynadı. Başa düşdülər ki, mənasız işlə məşğuldular və sifarişçilərlə birlikdə ciddi cəzalandırılacaqlar.

Amma hər bir halda, qorxudan qəbul olunsa belə, son qərarı müsbət qiymətləndirirəm. Bir daha Milli Şuranı dəstəkləyən insanları kimin arxasınca getdikləri barədə ciddi-ciddi düşünməyə çağırıram. Dəfələrlə söyləmişəm ki, bu adamların arxasınca getsəniz, böyük xəyal qırıqlığına uğrayıb məyus olacaqsınız.

Mən bu gün Milli Şura rəhbərliyinə bir daha müraciət edirəm ki, dəyişiklik istəyən, siyasətdən çox da baş çıxarmayan insanlarımızın vətənpərvərliyindən namərdcəsinə sui-istifadə etməyin, xalqımızın inkişaf səviyyəsini nəzərə alın, öz mövqe və strategiyanıza bir də baxın. Başqalarının azadlığından danışdığınız bir vaxtda özünüzün mafioz və xarici qüvvələrdən asılılığına son qoymağa çalışın”.