Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
21 Yanvar 2020


Azərbaycan bu ölkə ilə birgə dərman istehsal edəcək

Ana səhifə Toplum
12 Punto 14 Punto 16 Punto 18 Punto

Dekabrın 9-da Pirallahı Sənaye Parkında Azərbaycan İnvestisiya Şirkəti və İqtisadiyyat Nazirliyinin dəstəyi ilə “R-Pharm” şirkətlər qrupunun yeni istehsal kompleksi istifadəyə verilib.

Axar.az xəbər verir ki, istehsal sahəsinin açılışı Azərbaycan Respublikası ilə Rusiya Federasiyası arasında iqtisadi əməkdaşlıq məsələləri üzrə hökumətlərarası Dövlət Komissiyasının işçi qrupunun iştirakı ilə baş tutub. Açılış mərasimində Azərbaycan Respublikasının Baş Nazirinin müavini, Azərbaycan-Rusiya Hökumətlərarası İqtisadi Komissiyasının həmsədri Şahin Mustafayev, Rusiyanın İqtisadi İnkişaf naziri, Rusiya-Azərbaycan Hökumətlərarası İqtisadi Komissiyasının həmsədri Maksim Oreşkin, İqtisadiyyat naziri Mikayıl Cabbarov, “R-Pharm” Direktorlar Şurasının sədri Alexey Repik və digər rəsmi şəxslər iştirak ediblər.

Bakıda fəaliyyət göstərən “R-Pharm” sənaye kompleksində onkoloji, göbələk əleyhinə, virusəleyhinə dərmanların, o cümlədən HİV infeksiyasının, hepatitin, sinir, əsəb, ürək-damar, sümük-əzələ, tənəffüs sistemi xəstəliklərinin müalicəsi üçün dərmanların və antibiotiklərin istehsalı planlaşdırılır. Sənaye kompleksində, həmçinin şəkərli diabet, rentgenkontrast və maqnit rezonans müayinələri üçün vasitələrin və maddələrin istehsalı da planlaşdırılır. Zavod laboratoriya, istehsal və logistika bölmələri də daxil olmaqla ölkədə ilk əczaçılıq kompleksi olacaq.

“R-Pharm” əczaçılıq kompleksi MDB məkanında ən müasir istehsal sahələrindən birinə çevriləcək. Ən müasir avadanlıqla təchiz olunmuş istehsal müəssisəsinin sahəsi 4,6 hektardır. Kompleks 300-dən çox insanı iş yeri ilə təmin etməklə, kapsul, blister və flakon istehsalı üzrə ixtisaslaşacaq.

Mərasim iştirakçılar tədbirin Rusiya-Azərbaycan əlaqələrinin inkişafı baxımından əhəmiyyətini qeyd etməklə, bu zavodun nəinki Azərbaycanda, həm də bütün Yaxın Şərqdə xəstələrin əlverişli müasir dərman vasitələri ilə təmin edilməsi baxımından unikallığını və əhəmiyyətini qeyd ediblər.

Sonra nümayəndə heyəti və jurnalistlər yeni zavodla tanış olublar. Laboratoriya avadanlığı, istehsal xətləri, həmçinin müəssisədə buraxılması planlaşdırılan dərman preparatlarının nümunələrini nümayiş etdirilib.

Tarix
2019.12.09 / 20:44
Müəllif
Axar.az
Şərhlər
Digər xəbərlər

Azərbaycan bu faciəni Rusiya ilə əlaqələndirmir - Bülbüloğlu

Rusiyalı şərhçi Azərbaycanda keçiriləcək seçkilərdən danışdı

Məktəbdə yeyinti: Zahid Oruc prokurora müraciət etdi - Foto

Sabir Rüstəmxanlı Neftçala şəhidlərini andı - Foto

Polisdən Zirəddinə cavab: Yəqin yuxuda görüb

20 Yanvar şəhidləri Antalyada anıldı - Foto

Türkiyənin axtardığı şəxs Bakıda tutuldu

Azərbaycan öz şəhidlərini belə yad edir - Fotosessiya

ABŞ səfiri Şəhidlər Xiyabanında - Foto

İranlıdan narkotik aldı, Biləsuvarda tutuldu

KULT
<>
Xəbər xətti
 
yatsan
Axar.az'da reklam Bağla
Reklam
Bize yazin Bağla