Yuxarı

Prezident tapşırıq verdi: DANX hərəkətə keçdi...

Ana səhifə Toplum
12 Punto 14 Punto 16 Punto 18 Punto

Prezident İlham Əliyevin yanvarın 15-də Nəqliyyat, Rabitə və Yüksək Texnologiyalar naziri Ramin Quluzadəni qəbul edərkən taksi xidməti və taksi sürücüləri ilə bağlı verdiyi tapşırıqların icrası istiqamətində müəyyən işlər görülür.

Axar.az xəbər verir ki, Dövlət Avtomobil Nəqliyyatı Xidmətinin (DANX) ictimaiyyətlə əlaqələr sektorunun müdiri Nuridə Allahyarova Azərtac-a bildirib ki, dövlətimizin başçısı nazir Ramin Quluzadəni qəbul edən zaman yük avtonəqliyyat vasitələri, yerli daşıyıcıların mənafelərinin müdafiəsi, onların beynəlxalq bazara çıxışının daha da optimallaşdırılması, regionlarda taksilərin vəziyyəti, taksi xidməti göstərən daşıyıcılar, onlarla bağlı ümumi mənzərə, taksi sürücülərinin tibbi müayinədən keçirilməsi və sair bu kimi məsələlər müzakirə olunub. Qarşıya qoyulan tapşırıqlardan biri də taksi xidməti və taksi sürücülərinin tibbi müayinəsi ilə bağlıdır. Qəbulda səsləndirilən bütün mövzuların araşdırılması üçün DANX-ın nəzdində işçi qrupu yaradılıb və taksilərlə bağlı ilkin təhlillər aparılıb. Əldə olunan nəticələrə əsasən, ölkə üzrə təxminən 44 min rəsmi və qeyri-rəsmi taksi fəaliyyət göstərir. Bu taksilərin 27 mini Bakının, 17 mini isə regionların payına düşür. Regionlarda xidmət edən 17 min taksidən 3800 ədədi fərqlənmə nişanı ilə, 13 mindən çoxu isə fərqlənmə nişanı almadan qeyri-rəsmi fəaliyyət göstərir.

N.Allahyarova qeyd edib ki, aparılan statistikaya uyğun Daxili İşlər Nazirliyinin mövcud strukturu ilə baza işlənməsi prosesi həyata keçiriləcək. Bazada rəsmi və qeyri-rəsmi qeydiyyatda olan taksi xidmətləri barədə məlumat olacaq və onlarla bağlı ciddi təhlillər aparılacaq. Artıq nəqliyyat vasitəsi olan hər bir şəxs taksi xidmətinə başlaya bilməyəcək.

Sektor müdiri vurğulayıb ki, qanunvericilikdə yer alan boşluqlardan biri də taksi xidməti göstərən sürücülərin bu fəaliyyətə başlaması üçün əldə etməli olduqları fərqlənmə nişanının vergi öhdəliyi ilə kifayətlənməsidir. Bizim təklifimiz daha yeni bazanın hazırlanmasıdır. Bu özündə həm fərqlənmə nişanını ehtiva edən bir sənəd olacaq, həm də kimin bu xidməti hansı avtonəqliyyat vasitəsilə, hansı ərazidə göstərə biləcəyini, avtonəqliyyat vasitəsinin ilini, vəziyyətini, kamfortunu, təhlükəsizliyini və sürücünün ümumi göstəricilərini uyğunlaşdırmaq üçün qoyulan qaydaları özündə əks etdirəcək. Bu qaydalara uyğun olmayanlar fərqlənmə nişanı əldə edə bilməyəcəklər. Artıq bununla bağlı hökumətə müraciət olunub. Hazırladığımız meyarlar, göstəricilər ona gətirib çıxaracaq ki, bu sahədə çalışan sürüclərin bazası da hazırlanacaq. Həmin sürüclər həvəskar, bu sahəni sırf gəlir mənbəyi kimi görən sürücülərdən olmamalıdır. Onların bir neçə il peşəkarlıq qabiliyyəti də göstəricilər sırasında yer alacaq.

Xatırladaq ki, Prezident İlham Əliyev yanvarın 15-də Nəqliyyat, Rabitə və Yüksək Texnologiyalar naziri R.Quluzadəni qəbul edərkən taksi xidmətinin inkişafı ilə bağlı deyib: “Mən sizə tapşırıq verirəm ki, bu işləri ciddi təhlil edin. Hər bir şəhərdə nə qədər taksi fəaliyyət göstərir? Taksi avtomaşınlarının keyfiyyəti nə səviyyədədir? Təhlükəsizlik necə təmin edilir, hesablaşma necə aparılır? Biz elə etməliyik ki, bütün şəhərlərimizdə, ilk növbədə, böyük şəhərlərimizdə müasir taksi xidmətləri olsun. Müasir taksi dayanacaqları, sürücülərin hazırlanması, onların tibbi müayinədən keçməsi təşkil olunmalıdır. Hər bir sahədə olduğu kimi, bu sahədə də biz nağd hesablaşmadan kartla hesablaşmaya keçməliyik, taksometrlər quraşdırılmalıdır. Yəni, təkcə Bakıda yox, ilk növbədə, bütün böyük şəhərlərdə və ondan sonrakı mərhələdə digər şəhərlərdə”.

Tarix
2020.01.27 / 18:59
Müəllif
Axar.az
Şərhlər
Digər xəbərlər

Fransa universitetində Bakının siyasətindən danışıldı

Simonyan: Qafarovaya bunu dedim, razılaşdıq… - Yeni görüş

“Dünya masası” qurulur: Bakı orda olacaq, həm də…

Bakıya təriflər yağdıran Anders niyə ermənipərəst oldu?

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla