60 saylı Salyan-Neftçala seçki dairəsindən deputatlığa namizəd Fəzail Ağamalının Salyan rayonunun Varlı 1, Varlı 2 və Peyk kəndlərində sakinlərlə görüşü keçirilib.

Axar.az xəbər verir ki, seçici fəallığı ilə müşayiət olunan görüşdə Fəzail Ağamalının vəkilləri Zaman Əmirov və Emin Bayramov namizədin bioqrafiyasından, həyat yolundan danışıblar.

Fəzail Ağamalı çıxışında dövlətçiliyimizin keçdiyi yoldan, 90-cı illərin əvvəllərində düşdüyümüz ağır vəziyyətdən və dövlətçiliyimizin məhv olmaq təhlükəsindən xilas edilməsində Ulu öndər Heydər Əliyevin müstəsna xidmətlərindən danışıb.

Seçicilər Fəzail Ağamalının son dörd ildəki deputatlıq fəaliyyətini yüksək qiymətləndiriblər və qarşıdan gələn parlament seçkilərində ona səs verəcəklərini ifadə ediblər.

Görüşdən sonra Fəzail Ağamalı torğaqlarımızın azadlığı uğrunda şəhid olmuş İntiqam Salahov atası İsrafil Salahov və şəhid Maarif Zeynalabdinovun anası Sürəyya xanımı ziyarət edib.