İzmirdə Alpagut Otağı, İzmirli Türkçülər və Turançı Hərəkat Platformu, Hepar, Karakalpaklılar, İzmir Türkçü Direniş Ocakları "Hepimiz Hocalılıyız" yürüş mitinqi keçirib.

Axar.az xəbər verir ki, İzmir Alsancakdan başlayan yürüş Gündoğdu meydanında mitinqlə başa catıb.

1992-ci il fevralın 25-dən 26-na keçən gecə Ermənilərin Xocalıda törətdiyi vəhşiliyi yada salan bəyanat oxunurkən meydanda olan minlərlə gənc zaman-zaman "Hamımız hocalılıyıq", "Hamımız qarabağlıyıq", "Hamımız azərbaycanlıyıq" şüarları qışqırıblar.

Yürüşdə diqqəti çəkən məqamlardan biri də Azərbaycanın milli qəhramanı Mübariz İbrahimov və Ramil Səfərovun rəsimlərini özündə əks etdirən plakatlar olub.

Türk gənclərinin yürüşünə Azərbaycan təşkilatları da dəstək verib. Azərbaycan İşbirliyi və Qardaşlar Dərnəyi başkan yardımcısı Cavid Əliyevdən aldığımız məlumata görə, dərnək olaraq sonuna qədər gənclərin yanında olublar. Və İzmirdə təhsil alan azərbaycanlı gənclər də bu yürüyüşdə aktiv iştirak ediblər.

Mitinqdə Xocalı soyqırımıyla yanaşı, PKK tərafdarları tərəfindən İzmirdə EGE unverstetində öldürülən şəhid Frat Yılmaz Cakıroğlu da anılıb.