Bu gün Ağstafada yerləşən Peyntbol və Atıcılıq mərkəzinin yaxınlığında, Həsənsu körpüsünün üzərində BMV markalı polis avtomobili Çevik Polis Alayının əməkdaşını vurub.

Bu barədə Axar.az-a daxil olan məlumatda bildirilir ki, Bakı-Qazax magistralında xidmət edən polis maşını hərəkətdə olan zaman avtobusdan düşən digər polis əməkdaşını vurub. Hadisə nəticəsində 1982-ci il təvəllüdlü polis əməkdaşı Abdullayev Fərhad Felman oğlu dünyasını dəyişib.

Məlumatı saytımıza Daxili İşlər Nazirliyi (DİN) təsdiqləyib:

“Hadisə ehtiyatsızlıq səbəbindən baş verib. Prokurorluqda bununla bağlı araşdırma aparılır”.