Əmlak Məsələləri Dövlət Komitəsi bir neçə qeyri-yaşayış binasını hərraca çıxarıb.

Axar.az xəbər verir ki, Komitənin aprel ayının 7-də keçirəcəyi hərraca çıxarılacaq obyektlərin adları bəlli olub.

Hərracda Bakı şəhəri, Binəqədi rayonu, Binəqədi qəsəbəsində və Bakı şəhəri, Xəzər rayonu, Şüvəlan qəsəbəsi, Almas İldırım küçəsində yerləşən iki qeyri-yaşayış binası satışa çxarılıb. Hərracda həmçinin Bakı şəhəri, Sabunçu rayonu, Maştağa qəsəbəsində yerləşən 3 saylı pavilyon, Xaçmaz şəhəri, Əlif Hacıyev küçəsində yerləşən mağaza, Abşeron rayonu, Novxanı kəndi, Binəqədi-Novxanı yolundakı yardəmçı təsərrüfat sahəsi də satılacaq.

Hərraca çıxarılan obyektlər arasında ən yüksək start qiyməti ilə təqdim edilən Şüvəlan qəsəbəsində yerləşən qeyri-yaşayış binasıdır. Binanın ilkin start qiyməti 11.926 manatdır. Digər qeyri-yaşayış binasının start qiyməti isə 11.518 manat təşkil edir.

Qeyd edək ki, hərraclar respublikanın şəhər və rayonlarında müvafiq yerli hərrac komissiyaları tərəfindən keçiriləcək.