Son kursda oxuyan tələbələrin böyük bir hissəsi təcrübədə idi. Karantin səbəbindən bəziləri bunu başa çatdıra bilməyib. Rektorlarla bu barədə müzakirələr apardıq.

Axar.az xəbər verir ki, bunu Təhsil naziri Ceyhun Bayramov sonuncu kursda oxuyan tələbələrin 1 il deyil, 1 il 6 ay müddətinə hərbi xidmət keçmək məcburiyyəti ilə bağlı suala cavab verərkən deyib.

“Həmin tələbələrə güzəşt tətbiq olunacaq. Tələbələrin tədris göstəriciləri nəzərə alınmaqla xüsusi yanaşma tətbiq oluna bilər. Bu müddət ərzində tələbələr təhsillərini başa çatdıra bilməsələr, hökumət qarşısında tələb qaldıracağıq və bu, yoluna qoyulacaq”, - nazir bildirib.