Bu gün səhər saatlarından etibarən “20 Yanvar” metrostansiyası istiqamətində yollarda sıxlıq yaranıb.

Axar.az xəbər verir ki, tıxaca səbəb Müzəffər Həsənov küçəsinin 20 Yanvar dairəsindən Abbas Mirzə Şərifzadə küçəsi ilə kəsişməsinədək olan hissəsində aparılan təmirdir.

Yolda təmir işlərini aparan Azərbaycan Avtomobi Yoları Dövlət Agentliyinin mətbuat katibi Anar Nəcəfli bildirib ki, yol hələ bir müddət bağlı qalacaq:

“Bilirsiniz ki, yolun genişləndirilməsi işləri aparılır. Hərəkətin məhdudlaşdırımasına səbəb də budur. 2-3 gün ərzində işlərin bitməsi gözlənilir”.

Xatırladaq ki, Bakı-Sumqayıt yolunda aparılan yenidənqurma işləri çərçivəsində 4 və 5 may tarixlərində Moskva prospektindən, həmçinin Bakı Dairəvi-1 avtomobil yolundan “Şamaxı yolu” adlanan ərazi istiqamətində hərəkət məhdudlaşdırılıb.