Rusiyanın "Qızıl Ordu" xoru İstanbulda konsert verəcək.

Axar.az xəbər verir ki, İstanbul Enterteynment Qrup (İEG) və Sa təşkilatının əməkdaşlığı ilə təşkil edilən konsert iyunun 13-də baş tutacaq. Təşkilatçıların açıqlamasına görə, rus xalq mahnılarından klassik əsərlərə, Motsart və Verdi kimi sənətçilərin opera musiqilərindən pop klassiklərinə kimi bir çox janrlarda musiqilərin səslənəcəyi konsertdə sürpriz mahnılar da olacaq.

Xatırladaq ki, xüsusilə döyüş şəraitində əsgərlərə və xalqa mənəvi dəstək vermək məqsədi ilə 1939-cu ildə yaradılan "Qızıl Ordu" xoru rus mədəniyyətini bütün dünyaya tanıdan ən böyük canlı ailə şousu olaraq tanınır. 120 xor, orkestr və balet sənətçisini bir yerə yığan xorun birlikdə işlədiyi musiqiçilər arasında Devid Foster, Jan Jak Qoldmen, Stiv Berakat da var.