17:04

Nazirlər Kabineti yanında Operativ Qərargah ölkəmizdəki pandemiyanın ikinci mərhələsinin gedişatı ilə bağlı epidemoloji göstəriciləri nəzərə alaraq bəzi qərarlar qəbul edib.

Axar.az xəbər verir ki, bunu TƏBİB-in İdarə Heyətinin sədri Ramin Bayramlı Operativ Qərargahın brifinqində deyib.

O vurğulayıb ki, hazırda dünyada 7 milyon insan koronavirusa yoluxub, 400 min insan dünyasını dəyişib:

"Virusla mübarizə davam edir və tədbirlər həyata keçirilir. Ölkəmizdə virusa yoluxanların sayı artıb. Virusa yoluxmaların sayının azaldılması məqsədilə xüsusi karantin rejimi yenidən sərtləşdirilib. Bu səbəblə Bakı, Sumqayıt, Gəncə, Abşeron, Lənkəranda həftə sonları küçəyə çıxma qadağası tətbiq olunacaq".

R.Bayramlı bildirib ki, yalnız çox vacib sahələrin işləməsinə icazə veriləcək:

"Təcili çıxma zamanı yalnız 102 xidmətinə zəng vasitəsilə icazə alına bilər.

Bu müddətdə fəaliyyətinə icazə verilən qurumlara Nazirlər Kabineti tərəfindən məlumat verilib".