Göyçayda Gənc Könüllülər rayon sakinləri üçün istirahət guşəsi yaradıblar.

Axar.az-ın bölgə müxbiri xəbər verir ki, Göyçay Gənclərin İnkişaf və Karyera Mərkəzi tərəfindən “Rəngarəng Gəncliyimiz” adlı təşəbbüs həyata keçirilib. Rayonda yerləşən binalarda insanların istirahət etməsi üçün uyğun şəraitin olmadığı məlum olduqdan sonra, Gənc Könüllülər orada guşə yaratmaq qərarına gəliblər.

Təşəbbüs çərçivəsində gənclər, sakinlər üçün ayrılan oturacağı təmir edib, istifadəyə yararlı vəziyyətə gətirərək rəngləyiblər. Daha sonra guşənin divarlarına maraqlı rəsmlər çəkərək, oturacağı oraya yerləşdiriblər.

Gənclərin bu təşəbbüsü sakinlər tərəfindən maraqla qarşılanıb və yüksək qiymətləndirilərək təqdirəlayiq hesab edilib.