16:40

Dünən Bəxtiyar Hacıyev telefonla zəng edərək təhqiramiz sözlər deyib, məni hədələyib. Mən də öz Feysbuk hesabım üzərindən Daxili İşlər Nazirliyinə və Baş Prokurorluğa müraciət etmişəm.

Bu sözləri Axar.az-a millət vəkili Fazil Mustafa ictimai fəal Bəxtiyar Hacıyevin saxlanılması ilə bağlı danışarkən deyib.

Millət vəkili bildirib ki, hazırda onunla bağlı hüquqi araşdırma gedir:

“Əgər kimsə telefonla zəng edərək millət vəkilini hədələyirsə və təhqiramiz ifadələr işlədirsə, onunla bağlı hüquq-mühafizə orqanları qanuna uyğun şəkildə araşdırma aparmalıdır”.

Qeyd edək ki, ictimai fəal Bəxtiyar Hacıyev Bakı Şəhər Baş Polis İdarəsinə dəvət edilib.

Vəkil Aqil Layıcın yaydığı məlumata görə, o, hazırda ifadə verir.

***

Bəxtiyar Hacıyev F.Mustafanın şikayəti əsasında çağırıldığını və izahat verdikdən sonra Bakı ŞBPİ-dən çıxdığını bildirib.