Koronavirusa yoluxmuş Müşfiq Abdulla və Nigar Abdulla hazırda Atletlər kəndində deyil.

Bu barədə Axar.az-ın sorğusuna cavab olaraq TƏBİB-dən bildirilib.

Qurumdan qeyd edilib ki, onların baxımsız qalması və “ölüm ayağında” olmaları barədə yayılan məlumatların əsası yoxdur:

“COVİD-19 testi pozitiv çıxdıqdan sonra jurnalist Müşfiq Abdulla və Nigar Abdulla Atletlər kəndinə yerləşdirilmiş, karantinə alınmışdı. Hazırda isə onlar 1 saylı Kliniki Tibbi Mərkəzə köçürülüblər və müalicələrini orada davam etdirirlər. Hər iki xəstənin vəziyyəti normaldır. Heç bir ağırlaşma yoxdur. Xəstəliyi hər ikisi yüngül keçirir. Onların müalicəsi üçün hər bir şərait var”.

Qeyd edək ki, sosial şəbəkələrdə Müşfiq və Nigar Abdullalar barədə narahatedici paylaşımlar edilir, onların ağır vəziyyətdə, hətta “ölüm ayağında” Atletlər kəndində qaldığı bildirilir.